నరేంద్ర మోదీ జీ ప్రభుత్వ 12 సంవత్సరాల సుపరిపాలన – గిరిజన సంక్షేమం

కోదాడ రూరల్: నరేంద్ర మోదీ నేతృత్వంలోని కేంద్ర ప్రభుత్వం 12 ఏళ్ల సుపరిపాలన పూర్తి చేసుకున్న సందర్భంగా, గిరిజన సంక్షేమ పథకాలపై కోదాడ రూరల్ మండలం కూచిపూడి తండాలో ప్రత్యేక అవగాహన సదస్సు నిర్వహించారు. బిజెపి మండల ఉపాధ్యక్షుడు బాదావత్ బాలరాజు ఆధ్వర్యంలో, మాజీ మండల అధ్యక్షుడు దేవరశెట్టి సత్యనారాయణ అధ్యక్షతన ఈ కార్యక్రమం జరిగింది.ఈ సదస్సుకు ముఖ్య అతిథులుగా కిసాన్ మోర్చా రాష్ట్ర కార్యవర్గ సభ్యులు వేలివోలు చిట్టయ్య, మాజీ రాష్ట్ర కార్యదర్శి కనగాల నారాయణ హాజరై మాట్లాడారు. కేంద్ర ప్రభుత్వం “సబ్కా సాథ్, సబ్కా వికాస్, సబ్కా విశ్వాస్” అనే లక్ష్యంతో గిరిజనుల అభ్యున్నతికి నిరంతరం కృషి చేస్తోందని వారు కొనియాడారు.ప్రసంగంలోని ముఖ్య విశేషాలు:మౌలిక వసతులు: గత 12 ఏళ్లలో గిరిజన ప్రాంతాల్లో రహదారులు, విద్యుత్, తాగునీరు వంటి సౌకర్యాలను కల్పించి గ్రామాలను అభివృద్ధి చేశారు.విద్య, వైద్యం: ఏకలవ్య మోడల్ రెసిడెన్షియల్ పాఠశాలల ద్వారా నాణ్యమైన విద్యను, ఆయుష్మాన్ భారత్ పథకం ద్వారా పేద గిరిజనులకు ఉచిత ఆరోగ్య భద్రతను అందిస్తున్నారు.గృహ వసతి, తాగునీరు: పీఎం ఆవాస్ యోజన కింద లక్షలాది కుటుంబాలకు పక్కా ఇళ్లు నిర్మించారు. జల్ జీవన్ మిషన్ ద్వారా ప్రతి ఇంటికీ స్వచ్ఛమైన తాగునీరు అందిస్తున్నారు.ఆదాయం, సంస్కృతి: అటవీ ఉత్పత్తులకు మద్దతు ధర కల్పించి గిరిజనుల ఆదాయాన్ని పెంచడమే కాకుండా, గిరిజన మహిళల ఉపాధికి, వారి సంస్కృతీ సంప్రదాయాల పరిరక్షణకు కేంద్రం ప్రత్యేక ప్రోత్సాహం అందిస్తోంది.ఈ కార్యక్రమంలో బిజెపి నాయకులు బాదావత్ సైదా, శ్రీకాంత్, పార్టీ అభిమానులు మరియు తండా ప్రజలు పెద్ద సంఖ్యలో పాల్గొన్నారు.